Si tin problema cu e funcionamento di e refineria. Den casonan pio por costa e gobierno casi 115 miyon florin. Segun e matutino Hulandes Antilliaans Dagblad, e costo di personal y ekipo a yega 19 miyon pa luna.
Curaçao Refinery Utilities, CRU, a haci cargo di e operacion di e refineria y Bullen Baai desde inicio di januari. E compania Suisa/Mericano Klesch lo tuma e cargo over dia 1 di juli venidero.
Segun De Lannoy, 897 persona awo ta emplea, pa un tempo limita na CRU. E contract cu nan a firma ta ser extendi te cu e adkisicion di parti di Klesch Grup, pero no mas laat cu 30 di juni 2020. Ademas CRU ta proporciona trabou na 253 contratista y un number indefini di proveedornan di servicio”. E director di Rdk Marcelino De Lannoy ta bisa cu esaki ta ser paga cu e recursonan di e empresa estatal Rdk.
Den e ultimo añanan, Rdk a acumula un reserva di ingreso genera mediante, por ehempel arendamiento di e refineria. E placa aki ta con e ta establece den e statuut destina a sigura e industria y opera e refineria. Lannoy ta bisa.
