Autoridad Hulandes a encontra un grupo di dies nuebe Albanes scondi den un truck na waf di Hoek van Holland. E diesseis homber y tres muhe tabata den un vehiculo cu tabata bayendo Inglatera riba ferry.
E conductor Romano di e truck ,cu tabata plachi number di Rumania a ser deteni diabierna anochi pa Royal Netherlands Marechaussee. E conductor a ser deteni bou sospecho di contrabanda di persona.
Tur e diesnuebe persona a ser encontra den e truck scondi den un area di e trailer di e truck. Nan tabata tin 19 pa 43 aña di edad. E Marechaussee a bisa cu otro cuater persona a ser encontra den un otro caso no relaciona den e districto di Europoort waf di Rotterdam.
Dos ciudadano di Chad, un di Libia , y uno Sudanes a ser encontra sin documentonan di identidad. Nan tabata scondi patras den e trailer di un vehiculo di agricultura. Autoridadnan Hulandes a cuminsa e proceso pa debolbe e 23 personanan cu a ser encontra diabierna ultimo na nan pais di origen.
