Cartelnan Mexicano a logra coloca nan ingreso den sistema Mericano a traves di e comunidad Chines cu ta biba den e luga, specialmente, e ingreso cu ta bin for di su productonan na granel. E Chinesnan cu ta traha den esaki ta encarga di pone e placa den aparato financiero di Merca y despues transferi pa accountant Mexicano via electronico, Administracion di Control di Droga (DEA) a informa.
Un informe di e administracion aki a revela cu e organisacionnan Asiatico dedica pa e actividad aki tin vinculo cu trafico di marihuana y MDMA, ademas di cocaina y metanfetamina. Segun e informe, ‘mercado negro Mexicano di labamento di placa, a traves di rednan di coredo di placa y uso di servicio di casnan di cambio, ta transferi e ingreso pa cartelnan di droga pa Mexico pa via di negoshinan di divisa, compra di activo cu placa cash y uso di empresa como fachada’ e informe di Evaluacion ta bisa
E metodonan aki pa laba placa ta bira transferencia electronico conveniente pa e narcotraficante pa motibo cu, debi na diferente parti na unda e placa ta pasa, ta logra sconde e identidad berdadero di e beneficiarionan.
Cu e identificacion di un tendencia creciente den organisacionnan Asiatico dedica na labamento di placa, cu tin relacion cu e negoshi di trafico di droga, Gobierno di China a establece un limite di transaccion di divisa Chines pa Merca.
Un Chines cu ta biba den e pais ey lo por realisa transaccionnan pa un maximo di 50.000 dollar pa aña. E disposicion di efectivo lo tin un maximo di 15.000 dollar pa aña. Esaki ta complica e situacion di e comunidad Chines, debi na aumento constante di e demanda pa dollar.
