Gobierno di India, lidera pa nacionalista hindu, a bisa cu ainda ta considerando e posibilidad di implementa un registro nacional di ciudadania, un acto cu lo elimina stranhero ilegal, memey di protesta contra un ley di ciudadania cu ta bay acelera naturalisacion di algun minoria religioso di tres pais bisiña, pero no musulman.
E declaracion oficial haci pa legislado Nityanand Rai den un contesta skirbi pa pregunta den parlamento, ta un desviacion di comentario haci pa lider principal di e partido di prome minister Narendra Modi, incluyendo e minister di interior, Amir Shah.
E manifiesto di BJP pa eleccion nacional di 2019, cu e partido a gana den un victoria ‘aplastante’ tambe a promove pa registro di ciudadania na India. Modi, sinembargo recientemente a retira e acto, despues cu presion publico a aumenta cu e paso di e controversial Acta di Amienda di Ciudadania. Miyones di persona a manifesta na e ciudadnan mayor di India desde cu e ley a pasa na december.
Oponentenan di e ley a bisa cu ta discriminatorio pasobra ta exclui musulman, y inconstitucional pasobra ta conecta fe cu ciudadania na un pais secular.
Criticonan tin miedo cu e registro conhuntamente cu e ley nobo lo laga miyones sin nacionalidad, un miedo cu trahado di gobierno a desestima. Casi 2 miyon di persona, mita hindu y mita musulman a keda exclui di un registro similar cu e partido di Modi a implementa den estado oriental di Assam aña pasa.
A pidi pa nan mustra nan nacionalidad di ciudadania na tribunal casi legal of lo core e riesgo di ser declara stranhero y perde nan derecho, incluyendo pa emiti un voto. India ta construyendo un centro di detencion pa stranhero na Assam. Modi a nenga publicamente cu tin centro di detencion na e pais y a minimalisa e protesta bisando cu e ta planea pa su opositornan.
