Rijksmuseum Twente na Enschedé a ser engaña pa casi 3 miyon euro pa delincuencia cibernetico durante un transaccion pa cumpra un obra di arte. E director Arnoud Odding a confirma e storia na e emisora NOS, pero a nenga di haci comentario completo pa motibo si trabou en cuestion: A View of Hampstead Heath: Child’s Hill, Harrow in the Distance di John Constable, ta suheto di un caso hudicial. Segun Bloomberg, Odding a wak e agente na e feria di arte Tefaf na Maastricht na unda esaki tabata exhibi pa e comerciante di arte di London Simon Dickinson.
Ambos a drenta den un negociacion via e-mail y un montante di €2.85m a keda acorda. Sin e conocemento di e partidonan e hakernan a logra tuma over e negociacionnan hinca nan mes un e-mail den e intercambio, nan a inclui un cu tabata contene un number di cuenta na Hong Kong na unda a transferi e placa debidamente. Segun e abogado di e museo, e negociadonan cu ta actua pa Dickinson nunca a coregi e imprecion cu e emailnan ta di nan, mientras cu e abogadonan di e dealernan a bisa cu e museo mester a averigua e number di cuenta tabata un genuino y tabata vincula na e parti corecto. Tanto e museo como e comerciante di arte a bisa cu nan sistema di siguridad di internet ta actualisa.
Dickinson su reclamo a ser vindica na corte na unda cu e hues adesestima e afirmacion di e museo cu e comerciante tabata tin e deber di mantene un siguridad cibernetico rasonabel di e-mail, pero a laga habri e posibilidad cu e museo presenta un reclamo alternativo, Blooonberg a bisa. Odding a bisa NOS a pesar di e decision di corte, e pintura a ser cumpra y paga y cu lo continua cu e caso den corte. E no a specifica riba ki base. E pintura ta actualmente na e museo di Enschede a pesar di e echo cu Dickinson y e propietario no a revela di e pintura, nunca nan a ricibi e plaga pa esaki. “ Nos ta haciendo recaudamento di fondo y nos mester e pintura pa haci esaki. Y nos kier cu expertonan di examinacion pa tira un otro bista y sa exactamente kico nos ta deal cune”, Odding a bisa e emisora.
