Lo tin diferente sorto di klapchi disponibel pa asina personanan por sigui continua disfruta di e festividadnan di Aña nobo, esaki ta segun e minister interino di asuntonan di interior Stientje van Veldhoven a confirma, tras di e decision di gobierno di prohibicion parcialmente. E gobierno na deacuerdo diabierna ultimo pa asina pone fin na e benta di klapchi pa publico cuminsando e aña aki pa motibo cu esaki ta causa di mayoria di herido y ta un peliger pa enfermeranan di servicio di emergencia.
Prome Minister Mark Rutte a bisa na principio di e luna cu tal movemiento tabata den wega, despues cu a descubri cu dos persona a muri y casi 1.300 persona a ser trata pa heridanan di klapchi durante e dianan di fiesta e aña aki. E decision pa introduci e prohibicion, Veldhoven a bisa cu e ta den linea cu e recomendacionnan di polis y e hunta di siguridad. E hunta di siguridad Hulandes a pidi e dicho prohibicion na 2017. E detayenan tocante con lo esaki ser supervisa y aplica e prohibicion lo ser resolve mas despues, iguala cu e nivel di multanan.
E reglanan nobo tambe ta permiti cu e ciudadnan lo prohibi klapchi den areanan specifico of por completo, manera Rotterdam y Amsterdam a indica cu nan lo por haci esaki. E asociacion ‘pyrotechnic’ a bisa den un reaccion cu nan lo respeta e prohibicion, pero a señala cu algun bendedo ya a trece klapchi pa e celebracion di e aña aki. Nan mester ser compensa pa e perdida financiero, e organisacion a bisa. Rutte a bisa den su conferencia di prensa cu no tin compensacion pa e bendedonan di klapchi pa motibo cu esaki ta un di e riesgonan di haci negoshi.
