Facebook tabatin un di cuatro kwartaal fuerte, generando mas placa cu aviso y agregando mas usuario, a pesar di reto rond di regulacion, privacidad, y esfuersonan pa combati interferencia den eleccion.
Su profit y revenue ambos a surpasa expectativa di Wall Street.
E compania tambe a bisa cu a resolve un demanda di 2015 riba su practica di reconocemento di cara, y lo paga $550 miyon como resultado. E demanda tabata acusa Facebook di viola regulacion di privacidad di Illinois cu un caracteristica cu ta sugeri usuarionan otro hende pa tag den nan potret. Facebook a reemplasa e herment di sugerencia cu un setting mas amplio di reconocemento di cara aña pasa.
Facebook a bisa cu alrededor di 2.89 persona ta uza sikiera un di su servicionan – Facebook, WhatsApp, Instagram of Messenger – cada luna. Alrededor di 2.26 biyon ta uza sikiera un tur dia. Segun e compania, su servicio principal tabatin 2.5 biyon usuario mensual fin di aña, un aumento di 8% for di aña pasa.
Reportando su resultadonan di cuatro kwartaal diaranson, Facebook a bisa cu a gana $7.35 biyon, of $2.56 pa accion, un aumento di 7% for di $6.88 biyon, of $2.38 pa accion, e aña anterior. Revenue a aumenta cu 25% na $21.1 biyon for di $16.9 biyon, mayoria di esaki di aviso. Analistanan tabata spera ganashi di $2.52 pa accion y revenue di $20.9 biyon, segun FactSet.
Stock di Facebook a cay mas di 6% den trading despues cu e resultadonan a sali. Algun inversionista por ta preocupa pa e gastonan aumentando di e comania, mientras otronan por ta simplemente ‘cashing out’ despues di un nivel record pa e stock anteriormente den e dia.
