E destruccion di gran scala di e rif di coral na Corsou na fin di september 2019, causa pa un plataforma petroleo, ta di lamenta, pero esaki ta un asunto interno cu ta ser maneha pa e gobierno local, e minister Knops a duna e contesta pa e preguntanan por escrito manda na principio di october 2019 pa miembronan di Tweede kamer Remco Dijkstra y André Bosman, ambos di partido liberal y democratico VVD.
Knops a bisa cu a tuma nota di e daño enorme causa na e rif di coral na Boca Sami riba 25 di september ultimo. Mensa cu termina na e costa debi di mal tempo, e plataforma mobile di perforacion di petroleo a cende su motornan pa permanese den su posicion, cu un catastrofe consecuencianan pa e rif di coral” 2.500 meter cuadra a ser destrosa of a causa hopi daño. Parti di e rif a ser pusha abou. Creando un krater di 15 pa 15 meter y 7 meter di profundidad.
Knops a bisa cu e ta lamenta cu nan a causa un daño irreparabel na e coral. “ Afortunadamente e daño ta limita na un parti di rif total di Corsou”, el a afirma.
E miembronan di parlamento a puntra tocante e investigacion di e incidente a hiba a cabo pa e minister di Salud Publico, medio Ambiente y Naturalesa di Corsou. Knops a confirma cu un investigacion ta ser haci tocante e causa di e daño.
“ E investigacion tambe mester proporciona informacion tocante e posibel pasonan posterior. E investigacion aki tambe ta ser haci pa preveni e tipo di situacionnan y dañonan den futuro”, Knops a declara. El a agrega cu Corsou tin su propio responsabilidad den e reaccion y aplicacion di e regulacionnan cu respecto na e siguridad di e Shipping y pa preveni sorto di incidentenan aki.
Ora cu e parlamentarionan a puntra tocante e opcionnan di replantacion, Knops a bisa cu e posibilidad di planta coral t’ey, un proceso cu ya ta tumando luga na otro islanan. “ Sinembargo esaki ta referi na un number limita di especienan di coral, kiermen esaki lo no trece bek e nivel original di biodiversidad”.
