Despues cu e groundbreaking di Secrets Baby Beach Resort a tuma luga na mita di luna di november ultimo, no tin mucho desaroyo den e tereno otorga na Seroe Colorado.
Sinembargo minister di Turismo, Dangui Oduber a informa cu pronto e proyecto aki lo inicia debidamente, unabes cu algun proceso burocratico lo bin cla. Siman pasa nan tabatin un reunion cu tres departanto di gobierno: DIP, DOW y Directie Natuur En Milieu (DNM), pa puntra nan e statuus di e proyecto aki y ki dia nan ta bay cuminsa oficialmente.
E departamentonan aki tabatin un reunion cu e contratista y -segun e mandatario- tur cos ta cla pa cuminsa. DIP mester a duna un permiso di construccion of ‘aanlegverguning’ na e desaroyador por cuminsa lanta e proyecto hotelero aki. E mandatario ta sigura cu den un par di siman e proyecto aki ta cuminsa.
