Despues di 2 aña fo’i servicio, diabierna ultimo Minister di Finansa Angel Bermudez hunto cu director di Departamento di Aduana y Astec tabata na waf di Barcardera pa mira e ultimo desaroyonan relaciona cu e container scanner.
E container scanner a wordo completamente restaura pa tecniconan di Siemens. E scanner aki tabata un inversion di 5 miyon florin, y tin e capacidad pa saca un scan di e containernan den 2 minuut.
E imagennan aki por wordo analisa hopi lihe pa mira kico exactamente tin den e containernan y por compara esaki cu e manifest.
Esaki lo yuda haci e trabou di Aduana mas eficiente, como cu no mester habri e containernan pa controla visualmente kico tin aden.
Prome cu cuminsa traha oficialmente cu e scanner, director di Departamento di Aduana lo elabora e procedura oficial hunto cu director di Astec, pa determina con, na ki momento y cu ki regularidad e scanner lo wordo uza.
