Union Civico Radical (UCR), partido historico di Argentina, awor opositor, ayera a cuestiona cu e pais ta sigui proteha e ex-presidente Boliviano, Evo Morales, considerando su declaracionnan reciente como atentando ‘contra e paz y democracia’ di Bolivia.
“Nos por sigui duna ‘refugio’ pa Morales?” ken a yega na Buenos Aires y a pidi refugio dia 12 di december ultimo, un comunicado di UCR firma pa e presidente di Comite Nacional di Partido, Alfredo Cornejo y su vice-presidente Alejandra Lorden a titula.
E texto ta cuminsa señala cu e politico Boliviano ta na Argentina ‘den calidad di refugiado’ proteha pa Gobierno di e peronista Alberto Fernandez y ‘ta parce’ cu un condicion so: “No haci declaracion politico.”
“Morales a haci tur lo contrario. A bishita La Quinta de Olivos (residencia presidencial), a duna tur tipo di declaracion pa reportahe na diferente medionan di comunicacion y a participa den acto politico”, e comunicado a declara.
Dialuna ultimo, Gobierno interino di Bolivia – cu a substitui esun di Morales despues cu el a renuncia poder 10 di november ultimo, presiona pa Fuerzas Armadas y a huy pa Mexico – den e comunicado a pidi pa Argentina impedi pa Morales haci yamado na ‘violencia’ of subversion.
E pedido tabata pa motibo cu despues cu radio ‘Kawsachun Coca’, cu ta pertenece pa sindicatonan cocalero di tropico di Cochabamba, a publica diadomingo ultimo un declaracion di e ex-gobernante corespondiente pa un reunion cu su siguidonan na Argentina, cu despues tur medionan local a publica.
“Mi kier pa tur boso sa, si poco tempo for di awo, si mi bolbe, of un persona bolbe, tin cu organisa manera na Venezuela milicia arma di pueblo”, Morales a afirma den un encuentro cu su siguidonan.
UCR cu ta integra e frente Cambiemos, awor yama Juntos por el Cambio, cu te 10 di december ultimo tabata oficialista, cu Mauricio Macri como presidente di e pais, a destaca cu e declaracionnan ey a genera ‘multiple rechaso’ na Bolivia, pero no di Gobierno ‘cu a dun’e refugio’.
Comments are closed.