Hoben di 16 aña di edad a ser asesina na French Quarter alrededor di 3:50pm diadomingo despues di a sufri un solo herida di bala.
E hoben a ricibi un tiro den area di proyecto di French Quarter. E comandante di Gendarmerie Stephan Basso a confirma e asesinato na The Daily Herald diadomingo anochi.
E matutino a compronde cu e hoben ainda tabata duna señala di bida ora cu paramediconan di emergencia a yega na e sitio, pero a fayece na caminda pa hospital Louis-Constant Fleming.
A ser informa riba rednan social cu e hoben a ricibi un tiro pa accidente, y como resultado di varios hoben hungando c un arma di candela. Basso no a confirma si e tiroteo tabata un accidente o un acto delibera y a bisa cu tabata demasiado trempan den e investigacion pa conclui cualkier posibilidad. Sinembargo el a confirma cu Gendarmes a entrevista e cuater testigo te na e momentonan aki y cu e investigacion ta tumando luga.
Ainda autoridadnan no a realisa ningun aresto.
