WILLEMSTAD – Huez Irene Lips a bolbe pospone e caso Babel, unda cu ex prome minister di Corsou Gerrit Schotte y su partner Cicely van der Dijs ta aparece como sospechoso den e caso. E caso, manera anticipa, a keda suspende te 17 y 19 di februari di otro aña. Posibel motibo ta cu no a keda cla cu interogacion di varios testigo importante pa e caso. Pa e fecha nobo, ambos persona tin cu presenta atrobe dilanti hues.
CASO NA MAART
Tabata na september ultimo cu huez a pospone e fecha pa 4 di november, despues cu esaki anteriormente a keda posponi for di maart ultimo. E fecha di 9 y 11 di september a keda posponi te cu awe. Pero atrobe, esaki a conoce un fecha nobo.
ACUSACION
Ta acusa Schotte di “valsheid in geschrifte (vervalsing van facturen en valse opgave vermissing diplomatiek paspoort), (passieve) omkoping, het witwassen van geld en overtreding van de telecomwetgeving (het voorhanden hebben van zogenaamde ‘jammers’) ten laste gelegd.” Su partner vd Dijs ta wordo acusa di “valsheid in geschrifte (vervalsing van facturen), het witwassen van geld en overtreding van de telecomwetgeving.”
ACTONAN COMETI
Segun ministerio publico, e acusacionnan di e dos sospechosonan a keda comete na Corsou, Merca, Suiza y/of Italia durante e periodo entre januari 2010 y december 2013. Durante un ‘regiezitting’ ta plania por lo general e caso cu lo bai ser trata cu contenido. Corte lo bai indica cuanto tempo e ta kere e mester pa trata e dossier cu e sospechosonan, Ministerio Publico ta indica cuanto tempo e mester pa e requisitorio mientras cu defensa ta indica cuanto tempo e mester pa e pleidooi den nan caso. Tambe defensa por indica durante e regiezitting si e tin mas deseo relaciona cu e investigacion. Defensa por ehempel por indica cuanto testigo nan kier laga scucha na Hues-comisario. Corte finalmente ta bisa cua trabounan di investigacion tin cu tuma luga ainda, y tambe tin cu dicidi ki dia y na unda e tratamento di contenido ta tuma luga y con e programa lo ta hinca den otro.
