Mirando cu e transferencia ta habri e luna aki, por spera cambio den varios ekipo di futbol, esaki internacionalmente pero tambe localmente. Segun un relato di 297sports, e futbolista y ex-seleccionado di Aruba, Pheadrick Baromeo lo join e ekipo campeon di e ultimo campeonato, esta RCA.
Baromeo a hunga ultimo den Estrella cual ta ekipo cu casi semper e la milita den dje desde cu e la bini for di nos isla ruman Corsou. Tambe Baromeo a hunga 1 aña cu e pumanan di Piedra Plat, Britannia. Dos aña pasa ainda Baromeo a sufri un lesion basta grave pero a sa na recupera di esaki. E tabata activo tambe como entrenador di e ekipo hubenil di Estrella.
Sigur RCA lo haya den Baromeo un tremendo refuerso.
