Trahadonan na Hulanda cu ta negocia nan salario colectivamente a mira nan salario aumenta cu un averahe di 2.5% aña pasa, e aumento di mas grandi den 10 aña, segun agencia nacional di estadistica CBS a reporta.
Sinembargo, e aumento ta marginalmente bou di inflacion, cual a aumenta 2.6% na 2019 en general.
Ta prome biaha den cinco aña cu inflacion a cancela aumento di salario den CAO, segun CBS. E aumento di mas grandi – 3.1 porciento – a bay pa trahadonan den industria di hospitalidad, unda tin escasez pisa di trahado. Esun di mas chikito – 1.6 porciento – a ser registra den sector di informacion y comunicacion.
Lo publica e figuranan definitivo e luna aki.
Costo di salario pa dunado di trabou a aumenta 3.1 porciento pa motibo di aumento den desempleo y den prima di beneficio pa invalidez.
