Cu un ceremonia Maya den Parque Arqueologico Kaminajuyu a cuminsa ayera e conmemoracion di 23 aniversario di e Firma di Acuerdonan di Paz.
E ceremonia a tuma luga durante varios ora for di 7am, pa 22 guia spiritual proveniente di diferente area di e pais.
E ceremonia tabata publico y sin costo, den cual a pidi pa paz na e pais. E tabata organisa pa Secretaria de la Paz (Sepaz) y Comision de Lugares Sagrados.
Amalia Tum, guia spiritual maya di area cakchiquel y integrante di Comision para la definicion de los lugares sagrados, a bisa: “Nos ta conmemorando 23 aña desde firma di paz na Guatemala, cu pa nos, e pueblonan indigena a marca gran importancia na mes momento cu ta historico; sinembargo, maske dos decada a pasa ainda ta biba racismo y discriminacion y nos ta aki celebrando e ceremonia Maya aki pa pidi estado pa cumpli cu e compromisonan cu a adopta ora di firma e acuerdonan di paz.”
Pa 5or a programa un acto protocolario na Palacio Nacional de la Cultura. A informa cu den e actividad lo ta presente e presidente di e republica Jimmy Morales y vicepresidente Jafeth Cabrera, gabinete di gobierno, cuerpo diplomatico y sociedad civil. Ademas di discurso y palabranan di bonbini di secretaria de la Paz, Lourdes Xitumul, tambe a presenta un video resumiendo e avancenan cu a logra durante 2019 pa cu tema di paz.
