E aumento di deforestacion di Amazonia y e candelanan forestal, desmantelamento di politica ambiental y fiscalisacion, y atakenan duro pa ecologistanan ta e resultado ambiental di e prome aña di Gobierno di Jair Bolsonaro, cu a asumi como presidente di Brasil 1 di januari di 2019.
Pa e ecologistanan, medio ambiente no tin nada di celebra despues di e prome aña di gestion di e ultraderechista, den cual a presencia ‘destruccion’ so, tanto di recursonan natural como politica cu a haci di Brasil den importante oyente internacional den e area.
Aña 2019 a cuminsa cu menasa di retira Brasil di e Acuerdo di Paris riba cambio climatico y a conclui cu rechaso amplio internacional pa e maniobra promovi pa e delegacion Brasileño pa impedi acuerdo mas ambicioso den e Cumbre di Madrid (COP25).
Tragedianan ambiental a cuminsa na januari cu e kibramento di un Dom di residuo mineral na ciudad di Brumadinho cu a causa morto di 270 persona y un derame di 9,7 miyon di lodo riba 290 hectar di tera.
Otro tragedia tabata e deforestacion Amazonico, cu a aumenta te 9.762 kilometer cuadra na 2019, cu un crecemento di 29,5 compara cu 2018, y e candela forestal na Amazonia, Pantanal y Sabana Brasileño , cu a alcansa 113.000 kilometer cuadra entre januari y augustus, un area 87% mas grandi cu aña pasa.
E aña a conclui cu un derame di petroleo den lama pa causanan ainda desconoci y cu a laga mancha di crudo na 900 beach di Brasil, loke a provoca e desaster ambiental mayor di su tipo den historia di e pais.
