Minister di Husticia, Andin Bikker conhuntamente cu Comisario di KPA y e Unit Tourism Oriented Policing & Security (‘TOPS’), a duna di conoce cu a invita representantenan di joyeria pa un reunion, pa splica e pasonan cu a wordo tuma caba di parti di KPA, y delibera conhuntamente pa por sigui optimalisa siguridad den e areanan comercial.
Manera a keda conoci, a percura pa e oficina di TOPS di KPA muda pa un luga mas central den e area di crucero. Na e reunion, Bikker a participa cu asina cu aña habri lo bay percura pa e oficina nobo di TOPS ta mas visibel, y lo implementa un plan pa instala camaranan moderno riba henter e ruta y den Caya Grandi.
Ademas lo introduci un sistema di alerta electronico.
Tambe ta studiando e re-introduccion di un team comparabel cu e ‘Visibility Team’ cu tabata existi den pasado. Ademas a delibera riba otro posibel opcionnan tecnologico y di infrastructura pa por sigui optimalisa siguridad.
E representantenan a keda masha gradici cu e atencion ricibi y e reaccion rapido cu solucionnan concreto y positivo pa cu e tema.
