E constructor di barco Hulandes Damen Schelde Naval Shipbuilding por construi e barco nobo di suministro pa marina. E organisacion di Defensa a asigna 374 miyon di euro pa esaki. E barco lo ta 50 miyon mas caro y lo ser entrega dos aña despues cu a plania anteriormente.
E subseretario Barbara Visser a informa Tweede Kamer di parlamento Hulandes. E futuro Sr. Ms Den Helder cu 75 miembro di tripulacion lo bay hunto cu Zr. Ms Karel Doorman y lo ta encarga di suministra e flota.
E echo cu e barco cu tin casi 200 meter di largura ta costa mas, ta parcialmente pa rekisitonan adicional den campo di medio ambiente, energia y siguridad. E barco lo ser construi na Romania y despues ser completa na Den Helder.
E Combat Support Ship (CSS) lo tin proteccion adicional contra atakenan digital. “Cu e construccion di CSS den prevision di un standard mas halto pa e barconan di guera, esaki ta un paso importante den campo di siguridad cibernetico”, esaki ta locual Visser a bisa e Tweede Kamer.
