Durante dia por a tuma nota di un articulo cu Parlamentario Endy Croes a dirigi den direccion di Parlamentario di Fraccion di AVP Michael Lampe. Un fracaso sigur e personahe aki cu unicamente ta hiba un politica sushi y destructivo tanto personal como pa cu su partido. Na mas cu un ocasion ta ignora e persona aki pasobra e no ta contribui na nada drechi pa e pais aki, Michael Lampe, miembro di fraccion di AVP den Parlamento ta bisa.
Gobierno a bin pidi Parlamento no menos cu 3.8 miyon florin extra den presupuesto 2020 pa e social crisis plan, cu Endy Croes ta nenga categoricamente den su articulo.
Michael Lampe di su banda a opta pa djis duna un contesta corto y directo pa pone un banda e mentira cu Croes a trece dilanti. E suma ta poni den e documento y locual cu Endy Croes tin cu haci ta LESA en bes di sinta haci redo riba rednan social. Na momento cu e la haya oportunidad pa haci pregunta na su gobierno e la opta pa tapa y dera y awo kier laba man riba otronan.
E pueblo ta page pa e haci su trabou y e ta haci tur cos menos esey.
Por si acaso e no a yega den contacto cu e documento, Michael Lampe ta pone esaki den e articulo pa asina ora e haya tempo e por bay lesa y informa su mes di kico tur ta e plannan di su gobierno pa cu placa di pueblo.
