Airbnb a logra un victoria grandi den su pelea largo contra hoteleronan Frances, ora cu e corte mas halto di Union Europeo a rechasa ayera un argumento cu mester somete Airbnb na e reglanan estricto cu ta goberna agentenan di real estate Frances.
A entrega e caso na un corte Frances despues cu un asociacion mayor di hotel, incluyendo cadenanan lider manera Best Western, a entrega un keho argumentando cu e compania registra na Irlanda mester wordo someti na e mesun obligacionnan cu proveedonan di real estate tradicional. E industria hotelero na Francia, igual na esun den cantidad di pais rond mundo, ta acusa e plataforma di huur online di competencia inhusto.
Doñonan di hotel tabata kier pa Airbnb cumpli cu accounting, seguro y otro reglanan financiero di real estate. Airbnb a nenga cu ta actua como agente di real estate.
Den su veredicto, Corte di Husticia a bisa cu bou un directiva Europeo riba comercio electronico, Airbnb mester wordo clasifica como un ‘servicio social di informacion’, conectando potencial huesped cu anfitrion. E corte a bisa cu ‘Francia no por rekeri Airbnb tene obtene un licencia profesional di agente di real estate’.
Alcalde di Paris, Anne Hidalgo tin plan pa tene un referendum, cu lo por reduci e presencia di e plataforma den algun di e districtonan mas turistico di e ciudad si e gana re- eleccion proximo aña.
