Atraco arma riba turista den camber na Perle d’or

Update: e tres victima a resulta cu no tabata victimanan di un atraco sino 4 Venezolano ilegal. Nan a inventa e storia, segun polis

Diadomingo den careda di 8or anochi polisnan ta presente na Perle d’or na Boegoeroei caminda nan a keda atraca den camber di e apartamento.

Segun informacion cu e victimanan a duna autoridad y esaki a keda confirma pa vocero di Polis Sra. Liliana ta cu, tres hende muhe tabata den e camber y e porta a keda habri cu un yabi pa un persona pafo, y aki ta un hende muhe acompaña pa dos homber cu arma di candela den man a atraca nan. E atracadonan tabatin cara tapa y papia Spaño y a menasa e hendenan cu e arma y a bay cu alrededor di 1000 dollar. E victima a reconoce e dama cu a habri e porta pa e atracadonan drenta, ta trata di turistanan cu ta na Aruba pa photoshooting pa un kalender y a pasa den e mal experencia aki. Cualkier persona cu por sa algo por yama tipline di polis 11141.