Recientemente un studiante di Wellamtcollege na Amsterdam a venena su docente e siman na scol.
E studiante a haya un discusion durante les di cushinamento cu e docente pasobra e no tabatin mag di uza su celular. Seguidamente el a basha desinfectante den e glas di e docente. E docente a bira malo despues di bebe su te cu e substancia aden. E dama a ricibi tratamento medico cerca dokter di cas pasobra e tabatin keho di su lenga y awo e ta recuperando na cas. Un vocero di Wellant a confirma e noticia. E scol ta tuma e caso hopi na serio, pero ta enfatisa cu e studiante mes tambe a spanta; el a repenti di loke el a haci. A tuma medidanan contra e studiante segun e scol. E studiante ta menor di edad y tin obligacion pa bay scol. Pa e motibo aki ta mand’e pa otro filial di e scol caminda lo e haya extra guia. Wellantcollege tin 8 filial na Randstad, di cua tres den Amsterdam. E ta duna educacion riba nivel MBO, VMBO y MAVO.
