E protestanan na Bogota, capital Colombiano, a continua e fin di siman na varios sector. E ciudadanonan tabata manifesta di forma pacifico ora nan a ser separa pa gas lagrimogeno cu autoridadnan a lansa.
Un di e hecho cu a causa un indignacion grandi a presenta na centro di ciudad, unda un hoben manifestante di 18 aña, identifica como Dylan Cruz, a resulta herida na su cabes, aparentemente ora el a haya un golpi di un bleki di gas lagrimogeno lansa pa un agente di Escuadron Movil Antidisturbio, Esmad.
Riba un video graba pa otro manifestantenan por mira e momento cu Cruz a cay riba vloer despues di e impacto. Tambe por observa e hende presente cu tabata grita “resistencia” y tabata pidi “no mas violencia”. Despues e hoben ta ricibi e ayudo di e miembronan di Defensa Civil.
Di acuerdo cu e colectivo Union Nacional de Estudiante de Educacion Superior, e hoben herido ta un studiante di colegio Ricarte kende a ser hiba pa un centro asistencial despues di 25 minuut di espera. Su pronostico ta reserva.
Di su parti, Defensoria del Pueblo a mustra su preocupacion pa “uzo di forsa excesivo di banda di Esmad” y a agrega cu “nos ta solicita pa e forsa publico pa balora nan accion di frente pa respet di Derechonan Humano”.
Procuraduria a anuncia a traves di un comunicado cu lo habri un investigacion disciplinario riba e hechonan cu a sosode cu Cruz y a sigura cu a denuncia na Polis cu “Escuadron Movil Antidisturbio no ta permiti e concentracion, loke ta constitui un violacion pa articulo 37 di Constitucion Politico, segun ta bisa cu ‘tur parti di e pueblo lo por reuni y manifesta di manera publico y pacifico’. Ley so por establece di manera expresa e casonan den cual lo por limita e ehercicio di e derecho aki”.
