Bou e frase #ElPaquetazoDeDuque, e welga di awe ta convoca pa e sindicatonan principal Colombiano: CUT, Confederacion General di Trabou (CGT), Confederacion di Trahadonan di Colombia (CTC) y Federacion Colombiano di Trahadonan di Educacion (Fecode).
Den principio, e protesta tabata dirigi contra locual criticonan di Gobierno a denomina ‘paquetazo’ y cu tabata contempla un posibel reforma di pension y di labor di Gobierno y pa e intencion supuesto di bende algun empresa estatal, manera Ecopetrol.
Sinembargo, aunke Gobierno di Presidente Ivan Duque a bisa cu no tin reforma di e tipo ey den proceso, e motibo di e welga a crece, sumando tur tipo di colectivo manera studiante, muhenan, hende di color, indigena, comunidad LGBTI, campesino, y tambe oposicion politica.
Tur tipo di protesta lo ta presente awe; desde e recorte neoliberal te e reivindicacion pa un acceso miho pa educacion, contra e ‘tarifazo’ pa servicio di coriente, contra e asesinato di lider social y indigena, contra e falta di proteccion di medio ambiente, pa e cumplimento di acuerdo di paz, na fabor di derechonan humano, pa respet di derechonan LGBTI y contra accionnan estatal manera e bombardeo militar di augustus contra disidente di Farc, cu a caba cu e bida di al menos 8 mucha, un scandal cu a causa e renuncia di minister di Defensa. Un dato, cu segun e senador Gustavo Petro a revela, por alcansa e cifra di 314 menor di edad asesina desde 2004.
Por lo tanto, ‘El Paquetazo’, tabata e prome causa di hopi cu sociedad a haya pa sali y marcha contra Gobierno di Duque, cu a ser eligi dia 27 di mei di 2018.
