E plastic cu ta kima na Indonesia, cual pa gran parti ta importa, ta venena e cadena di alimentacion. Grupo ambientalisa IPEN a haya dioxina toxico na webo di galiña 70 biaha mas di e nivel permiti pa standard di salud y siguridad Europeo.
Exposicion riba largo plaso na e substancia kimico aki ta relaciona cu cancer, e daño na sistema inhumano y problema di desaroyo. Programa Victoria Derbyshire di BBC tambe a papia cu persona cu problema di rosea causa pa huma cu ta kima plastic y a haci un grabacion di e kimamento di plastic cu supuestamente a manda e pais pa wordo recicla.
Investigadonan di IPEN (the International Pollutants Elimination Network) a colecta webo di galiña na e dos luga cerca di Surabaya, na Java Oriental. Investigadonan a bisa cu purba webo ta e forma mas facil di verifica si producto kimico conoci manera contaminante organico persistente (COP) manera dioxina a yega e cadena di cuminda.
Segun den test a haya 70 biaha e nivel mas halto di dioxina clorada. Investigadonan a bisa cu esey ta e di dos nivel mas halto di dioxina di webo na Asia, despues di cu un area di Vietnam cu a wordo contamina pa arma kimico ‘Agent Orange’.
Webo tambe a contene producto kimico toxico, PCCC y PBDE cu ta wordo uza den plastic. Un residente di e Tropodo a bisa cu e ta conoci como ‘ciudad di huma’. “Nos no mester bisa dokter cua ta nos sintoma, simplemente nos ta bisa nan cu nos ta di Tropodo y nan sa dibiaha.”
Experto ta bisa cu sushedad occidental ta parti di problema ora cu nan kier manda e plastico na Indonesia. Nan ta bisa cu falta di infrastructura y fondo pa haci algo locual ta haci cu e cantidad ta bay den awa of ta kima.
Na Sindang Jaya, otro banda di Java, hefe local Masrur a informa cu a wak varios persona cu tin caba problema pa hala rosea pa via di huma cu ta wordo crea ora nan kima plastic. Gran parti di e kimamento ta grandi y habri na area. Tin algun discusion tenso cu e comerciante di plastic y tin evidencia cu ta sugeri cu gobierno tin un gran impacto.
