Sindicato STA y su delegadonan, conhuntamente cu gerencia di Caribbean Palm Village Resort (CPVR) a firma un acuerdo pa e empleadonan, caminda e mayoria di empleadonan miembro di STA lo conoce un adelanto di mas cu 12% reparti den 3 aña.
Aparte cu e trahadonan tin nan aumentonan sigura, gerencia di CPVR ta sigura un 3% maximo den e fondo di spaar y tambe e empleadonan tin nan bonus di fin di aña sigura, asina directiva di STA a informa.
No obstante e acuerdo aki, partidonan a acorda pa reuni bek ariba e CAO den luna di october otro aña, pa asina wak kico mas por drecha pa e empleadonan. Directiva di STA kier a felicita e empleadonan y tambe gradici gerencia di CPVR y e delegadonan.
