Gabinete Hulandes a anuncia ayera cu a yega na un acuerdo cu sindicatonan di maestro y doñonan di trabou pa boost inversion di gobierno den educacion cu casi 460 miyon euro, prome minister Mark Rutte a bisa den un entrevista.

E acuerdo ta duna fin na un plan di welga pa dia 6 di november di maestronan di scol primario y secundario, como tambe instructornan di educacion special, segun sindicato di maestro AOb.

“Ya caba nos a bisa den e debate general despues di Dia di Presupuesto cu nos lo busca placa. A haya un bon cantidad desde e tempo ey, 460 miyon euro”, Rutte a bisa. “Un parti chikito di cual ta placa structural”, el a agrega, bisando cu mas detaye ‘ainda mester traha riba dje’.

E placa lo bay principalmente pa condicionnan cu ta den negociacion den un acuerdo colectivo (CAO) cu e maestronan, pero tambe pa reduci e cantidad di trabou demandante. Esaki lo ser distribui durante varios aña, el a bisa, y ta inclui un promesa di placa di Arie Slob, e minister actualmente manehando e problema di educacion, kende a compromete pa duna 285 miyon euro pa boost e sector, pero te despues cu tabatin un acuerdo.

E suma den e acuerdo ta mas cu e 423.5 miyon exigi pa e sindicatonan juli ultimo. AOb a bisa cu tabatin mester di hopi pa deal cu un falta di maestro cu potencialmente ta afecta 40 porciento di scol na Hulanda, incluyendo un scol Amsterdam Montessori, cu a cera nan porta debi na problema di staf. E sindicato kier a mira e placa bay den aumento di salario, reduci cantidad di trabou, y e compromiso di e gabinete di gasta un suma pa combati falta di maestro di scol primario.

Sector di educacion a expresa decepcion extremo cu e tercer gabinete di Rutte pa un falta di disponibilidad pa aumenta significativamente gasto den e sector. E debate a intensifica ora gobierno, cu beneficio di surplus den presupuesto, a priminti tiki mehoracion dia cu a revela e propuesta di presupuesto nacional.

Esaki a conduci na e yamado inicial pa welga di e sindicatonan, cu negociacion andando pa un CAO. Lider di ECB, Christine Lagarde tambe a expresa decepcion, confundi pa e surplus di gobierno y simultaneamente falta di inversion den educacion, infrastructura y innovacion.

E maestronan ya a bay den accion di un dia tocante kehonan na maart. E campaña a conta cu sosten di profesornan di educacion avansa tambe, y di sindicato y sostenedonan manera AOb, FNV, PO in Actie, VO in Actie y FVoV.

Na luga di e welga na maart, cu a reuni na Malieveld na Den Haag, e welga otro siman lo consisti di maestronan pasando mayor parti di nan tempo exponiendo nan mensahe riba rednan social.