Aruba Gastronomic Association a tene nan conferencia di prensa pa anuncia nan evento, cu lo tuma luga dia 13 di november, unda cu lo cambia nan nomber y tambe kier introduci nan mes na comunidad.
Presente pa e conferencia di prensa tabata Patrick van den Berg miembro di e hunta y tesorero; Daniele Ferrara, miembro di e hunta y Maurella Ras, kende ta e office manager y liaison.
Daniele Ferrara a bisa cu e evento cu lo tuma luga na Hyatt Hotel for di 9or di mainta te cu 12or di atardi. Nan ta invita tur miembro di Food and Beverage Association y tambe esunnan cu tin compania y ta interesa. E evento ta pa tur persona cu tin un educacion den area di gastronomico.
Di e forma aki Ferrara ta splica, persona por conoce e asociacion miho. Nan ta pa 50 y 60 restaurant, unda cu nan ta papia riba varios tema importante cu ‘ta afecta nos comercio’ y tambe beneficio cu por comparti cu otro den informacion, of pa haya e miho prijs di wholesale na Aruba of den exterior.
Pa e evento cu lo tuma luga na november, nan lo ta conmemorando Edward Ellis, kende ta e fundado di Aruba Gastronomic Association y e doño di e restaurant estableci pa mas largo na Aruba. Tambe Ferrara a anuncia cu lo ta cambiando e nomber pa Aruba Food & Beverage Association.
E ta expresa cu nan kier inclui mas miembro y mas diverso den area di ‘food and beverage’. No solamente cu restaurant specifico, pero ta habri porta pa involucra restaurant chikito, grandi, cualkier negoshi, kiosco pa atende 13 di november pa conoce nan y wak e beneficio ‘di ta uni hunto pa constante bringa pa un miho comercio pa tur esunnan involucra’.
