Sarah Quita Offringa, kende ta buscando su prome titulo mundial den e disciplina di Wave, a gana e prome eliminacion single, venciendo Iballa Moreno pa keda den control di e competencia pa e titulo mundial.

Dos di e tres contendientenan pa e titulo PWA mundial exitosamente a negocia nan puesto den final – Sarah Quita Offringa (Starboard/ NeilPryde/ Maui Ultra Fins) y Iballa Moreno (Severne/ Severne Sails/ Maui Ultra Fins), pero e actual number 2 di mundo – Justyna Sniady (Simmer/ Simmer Sails/ AL360) – a keda elimina den quart final, y awo ta mira na un caminda largo bek pa e pole pa reta pa e titulo mundial.

Hunto cu Offringa y Moreno den e final tabata Motoko Sato (Starboard/ Severne Sails) kende tabata mustra extremadamente peligroso den e quart y semi final, y e actual #4 di mundo – Lina Erpenstein (Severne/ Severne Sails) – kende ta competiendo den su prome Aloha Classic.

Den e final, Moreno a bay pa broke y a yega agonisantemente cerca di anota dos wave den rango excelente. Sinembargo, crucialmente e campeon mundial no por a mantene su intento radical aerial den su prome wave, mientras e mester a sali di e di dos, cual a laga e porta habri pa Offinga.

E Arubiano a move den e posicion lider mientras el a registra dos wave solido di rango medio, mientras el a mehora su posicion cu su ultimo wave, mientras el a cuminsa cu un birada di apertura poderoso prome cu a entrega un hit criticamente laat pa gana 7 punto y efectivamente completa e final cu e otronan pega paden y cu biento cayendo.

Victoria den e Single Elimination ta mira Offringa mas cerca di su prome titulo mundial den wave, pero cos ta keda increiblemente cerca na e top y awo ta mustra comosifuera cu lo ta un pelea entre Offringa y Moreno pa e titulo mundial di e aña aki. Mirando con Iballa a sail ayera, bo lo mester bisa cu e carera pa e titulo ta hopi habri y lo ta un final fascinante pa dicidi e campeon di e aña aki.

Sato, kende a logra e score mas halto di e dia – 14.12 punto – den e quart final, eventualmente a bay cu e ultimo puesto riba e podium den e Single Elimination, cu Erpenstein completando e top 4.

Algun persona lo ta puntra nan mes unda e multiple campeon di Aloha Classic y IWT, Sarah Hauser a caba, mientras el a perde e top 5 den single, pero e tabata involucra den un semifinal increiblemente preta cu Moreno, Sato, y Tatiana Howard, cual por a mira cualkier di e 4 muhe avansa. Pa final di e heat, apenas 0.39 punto a separa di dos te cu di cuatro luga, y no por descarta cu e atleta di 30 aña lo prepara pa bin bek den Double Elimination.

Den termino di e carera pa e titulo IWT, e salida di Hauser di semifinal ta nifica cu e lider actual – Mariah Andres – no ta castiga completamente pa su salida den quart final, y e Spaño ainda ta keda aden cu un chens pa bay cu e titulo mayor. Sinembargo, e sa cu e lo mester mehora su rango den double, mientras Arrianne Aukes, kende a yega na e evento cu rango #2, ainda ta den e competencia.

Resultado 2019 Mercedes-Benz Aloha Classic – Women’s Single Elimination

1st Sarah-Quita Offringa (ARU | Starboard / NeilPryde / Maui Ultra Fins)
2nd Iballa Moreno (ESP | Severne / Severne Sails / Maui Ultra Fins)
3rd Motoko Sato (JPN | Starboard / Severne Sails)
4th Lina Erpenstein (GER | Severne / Severne Sails)
5th Angela Cochran (USA)
5th Tatiana Howard (USA | Quatro / Goya Windsurfing)

Potret: 297sports