Dialuna ultimo, dia 21 di october 2019, Parlamentario drs. Shailiny Tromp-Lee di MEP a reuni cu Director di Labor, Hefe y Senior Onderzoeker di Seccion di Investigacion y Huristanan di DAO.
Un reunion caminda diferente topico a keda trata manera:
- Bestuurlijke handhaving;
- Desempleo bou di nos hobennan y conexion entre enseñansa y mercado laboral;
- Stipulacion di un maneho laboral dirigi riba nos hobennan y e proceso cu ta tumando luga pa yega na esaki;
- Ley di salario minimo y posibel introduccion di un salario minimo pa hobennan.
Riba mayoria punto ya caba Parlamentario Tromp-Lee a yega di reuni cu dicho departamento y esaki tabata un ‘vervolgvergadering’ cu ta forma parti di e proceso di formulacion di algun posibel iniciativa di ley cu Tromp-Lee lo kier presenta den un futuro cercano.
Na final di e reunion como Voorzitter di Comision Fiho di Parlamento di Asuntonan Laboral y Sector Primario, Tromp-Lee a extende un invitacion na Departamento di Labor pa nan bin haci un presentacion encuanto e proceso cu ta tumando luga pa yega na un maneho laboral dirigi specialmente riba nos hobennan.
Mirando cu no obstante e echo cu e porcentahe di desempleo bou di nos hobennan a baha, esaki ainda ta halto, cual na opinion di Tromp-Lee sigur ta rekeri un maneho dirigi specialmente riba e grupo aki. Segun Tromp-Lee nos hobennan merece di por subi mercado laboral, di por sigui desaroya y crece den un profesion y bira adultonan independiente y exitoso.
