Dialuna mainta tempran un grupo grandi preocupa cu e situacion riba nos Pais a presenta dilanti porta di CITGO, pa asina expresa nan disgusto relaciona cu incertidumbre cu tin den e refineria y kico lo bira su futuro. Parlamentario Mike de Meza tambe tabata presente dialuna mainta na e famoso ‘Plaza Ora Cero’ nombra door di Partido MEP, caminda cu nan a acumula sostenedonan cu promesa cu nan si lo habri e refineria.
Contrario na tur promesa, awe e gobierno di coalicion ta purbando di tur manera pa cera e refineria, incluyendo tur trahado. De Meza ta siguiendo tur desaroyonan hopi di cerca y ta duna su opinion. Un tristesa di por mira con keto tur cos, ta y cu nada ta tumando luga ta locual De Meza ta conta.
Na momento cu a sali di gobierno na 2017, aproximadamente 600 tata/mama di famia trahando den e refineria mientras actualmente tin mas o menos 65 hende temiendo pa nan trabou sin siguridad di nada. Para riba miho yama e Plaza di Engaño tin cu recorda cu ta eynan tur e gaña/traicion a tuma luga ora cu partido MEP a yama su sostenedonan cu promesa di haci todo por todo pa tene e refineria den operacion.
Partido MEP ta bay pa historia pa cera e refineria.
Den cuatro ocasion partido MEP tabata den gobierno na momento cu refineria a cera como tambe ora a cambia di un operador pa otro. Awo pa di cinco biaha ta responsabel pa e ciere y ta bay pa historia como e gobierno cu a percura un biaha mas pa su ciere. Nan no por wanta un operador y no por haya otro tampoco!
Locual e prome minister ta haciendo ta negosha cu CITGO pa cera tur cos na Aruba. Normalmente ta negosha pa haya un operador nobo y/o pa habri e luga no pa cera e refineria. Gañando sostenedonan di tin interes di pueblo /interes di e refineria of di e industria petrolero na pecho mientras nada ta tumando luga.
De Meza ta menciona cu e gobierno actual a dura 18 luna sin kier a papia cu ehecutivonan di Citgo tanto esunnan na nos Isla como esunnan na Merca. A nenga rotundamente pero awo ta grita comosifuera ta hopi dolor e tin, lubidando cu ta pasobra nan como gobierno y/o e como prome minister no a haci su trabou pa cu e situacion di e refineria. No a sinta, no a negosha, no a ni papia/ wak kico ta e problema. Un locura na momento cu e menciona Office Foreign Assets Control (OFAC) di Merca, mirando cu ta papia di un embargo riba Venezuela y no di Aruba. Aruba no ta parti di Venezuela. Tumando na cuenta tambe cu CITGO ta funcionando sin problema na Merca, cu turnaround/ refurbishment y operacion di refineria operando normal. Aruba ta parti di e deal cu Citgo di Merca, habriendo asina e pregunta ta dicon CITGO Aruba no ta den operacion/ no ta cumpli cu su deber contractual cu nan tabata tin. Tur esaki debi na e gobierno actual cu a drumi sin haci nada pa falta di capacidad como tambe e engaño cu ta birando mas grandi y ta explota den su cara.
De Meza ta remarca tambe cu no por lubida e dos partner den coalicion, esta partido POR cu semper a vociferando nan desaprobacion pa cu e refineria, como tambe partido RED. No ta un secreto cu e lider di partido POR, Otmar Oduber ta contra e refineria, sin descarta e miembronan den parlamento Marisol Lopez Tromp y Allan Howel cu nunca a papia di Refineria. Cu al contrario semper a duna su opinion cu e refineria unicamente lo ta bon pa engrandece prostitucion y droga na San Nicolas. Na mama / tata honesto cu ta bin labora den refineria ta haya for di un parlamentario cu tin intencion di bira minister ta expresa su mes asina ey mirando cu su pensamento riba e refineria ta prostitucion so e lo trece.
Di otro banda, Ricardo Croes ta totalmente contra di petroleo/ refineria como cu su plan ta pa desmantela full e refineria pa asina bin cu un plantacion di hemp/ marihuana riba e tereno aki. Cu intencion cu Aruba su segundo pilar den economia y di cual tin cu bay depende di dje lo ta marihuana. Indicando cu tin cu bay stimula e uzo di marihuana pa asina fortalece e segundo pilar.
Un coalicion mas bien di locura cu dia pa dia ta birando pio, ta locual cu De Meza a bisa.
Comments are closed.