PPA a tuma nota di e conferencia di prensa teni pa nos Prome Ministro di Aruba, den cual el a informa nos pueblo di un Memorandum of Understanding (MoU) cu gobierno di Aruba lo a yega cu Citgo/Pdvsa bou di responsabilidad di e grupo Guaido.

Segun Wever-Croes a resultado tabata un paso positivo den direccion di haya nos refineria y nos haf natural di San Nicolas bek bou di pais Aruba. Ministro Presidente a felicita pueblo di Aruba cu e logro supuestamente grandi aki.

Memorandum of Understanding!
Un memorandum of Understanding ta un documento unda partidonan a yega na otro con nan ta sali for di un problema of un contract etc etc.!

E prome reaccion interno den seno di partido PPA tabata cu gobierno lo mester publica e documento aki pa pueblo por tuma nota di dje den cuadra di transparencia. Y esey lo evita diferencia di opinion tambe unabes cu e MOU wordo publica.

Declaracion di Citgo na media internacional
“Citgo Aruba Holding and Aruba agree to temporary suspension of contract while conditions in Venezuela become ideal.

Houston, October 9, 2019 CITGO Aruba Holding a subsidiary of PDV holding, Inc, reached an agreement this Wednesday with the Government of Aruba to temporary suspend their contract for the refurbishment and operation of the oil refinery located in San Nicolas on the Caribbean Island. According to a spokesperson form the company: “The Terminal’s operations will be temporarily transferred to the Government of Aruba. The Contract will be resumed once a democratic transition is ongoing in Venezuela.”

The spokesperson also added that CITGO Aruba Holding ‘will address its obligations with workers and suppliers during the entire process of the Terminal’s transfer of operations’.

Declaracion di Citgo na su trahadonan:
PPA ta cita:

Dear employees:

Yesterday we reached an agreement with the Government of Aruba to temporary suspend our contract for the refurbishment and operation of the refinery. This means the Terminal operations will be temporary transferred to the Government of Aruba. CITGO Aruba will address its obligations with workers and suppliers during the transfer of operations. The contract will resume once a democratic transition is ongoing in Venezuela.

Joe Crawford

Interim GM of CITGO Aruba Refinery.

Analisando e declaracion Wever-Croes cu ta encera cu Aruba a haya e espacio y derecho pa bay combersa cu e 25 otro interesado pa despues negocia cu e miho ‘deal’ pa futuro di Aruba pa despues regresa na mesa pa finalisa e salida completo di Citgo Aruba NV/Pdvsa y analisando e declaracion di Citgo Petroleum na Houston y na su trahadonan PPA ta conclui cu definitivamente no tin ‘Understanding/comprendemento’ riba e materia aki!

PPA a scucha tambe un declaracion unda Min Pres Evelyn a purba suaviza e hecho cu e declaracion di Citgo ta totalmente otro cu su declaracion. Min Pres a splica cu Citgo kier keda cu derecho pa un periodo cu el a cualifica como T plus 4 aña esta e periodo di Transicion cu ningun hende No sa cuanto e lo dura pa un Transicion democratico tuma lugar na Venezuela plus 4 aña exstra cual ta nifica cu futuro di Aruba y di San Nicolas por keda hopi aña mara na situacion na Venezuela! Locual pa PPA ta inaceptabel.

Conclusion di PPA.
PPA no por kita e impresion cu e informacion di Min Pres combina cu e declaracion di CITGO ta crea un impresion di falta di experiencia di parti di Gab. Wever Croes. Pa cuminsa ora cu bo ta atende asuntonan di miyones bo no ta publica resultado prome cu bo ta den poder di firma di cada partido su top gerencia hustamente pa evita e diferencia di informacion cu awor ta tumando luga.

Conclusion di PPA ta cu ni maske nos Ministro Presidente produci un documento firma e declaracionnan aki ta demostra cu NO tin un ‘Understanding/Comprendimento’ entre CITGO y Aruba. PPA ta di opinion cu lo mester bay mesa bek pa clarifica e hecho cu gobierno di Aruba ta splica cu ta encera cu Aruba a haya e ‘yabi’ bek di e refineria y di e haf mientras cu e declaracion di CITGO Petroleum por wordo interpreta cu e ‘yabi’ temporalmente ta wordo entrega pero na momento cu tin un proceso di democratisacion na Venezuela cu CITGO por bati na porta di Aruba y bin busca e refineria/haf etc anto basa riba e mesun contract negativo pa Aruba.

Algo cu no a keda clarifica pa ambos declaracion ta: Kico lo pasa cu e ‘deber di desmantela e refineria si e yega asina leu den futuro? Si laga Citgo bay sin atende cu esaki e lo por trece un deber pa Aruba den futuro si no logra un otro re-apertura etc. cu lo costa gobierno/pueblo 1 biyon of mas pa desmantela e refineria y haci un ‘clean-up’ tanto riba y bou di e subsuelo? Con a para cu esaki?

PPA No ta considera cu e MoU ta na beneficio di Aruba tanten cu ta bisto cu tin diferencia di opinion serio. Y e diferencia di opinion serio aki por conduci na casonan hudicial dilanti Corte cu por dura añanan.

Cu esaki futuro di Aruba y San Nicolas ta keda keto bay mara den un contract negativo cu a ricibi voto di 20 miembro di parlamento esta di MEP, AVP y Democracia real.

Un conseho di PPA na gab Wever-Croes ta: ‘Back to the drawing-boards’ pa evita hopi tempo y energia y kisas placa perdi pa casonan dilanti Corte!