Nos ta desaproba e actitud maligno di Mike Eman caminda e kier desvia atencion di caso ‘Avestruz’. Un investigacion penal conduci riba (1) soborno (2) labamento di placa (3) maluza funcion como gobernante (4) estafa. Esaki ta e ‘legacy’ di Mike Eman y e resultado di su liderazgo.
Arthur Dowers y Robert Candelaria.
Ta condenabel tambe cu pa desvia atencion partido AVP ta sali awo y cuestiona y of insinua cosnan riba mi persona den un caso personal y civil di 2010. Manera nos a splica caba un aña pasa, partido AVP por haya tur detayes di e caso aki serca Arthur Dowers y Robert Candelaria.
Falta di caracter y liderazgo di entre otro e dos personanan aki, cu a labora den e aparato hudicial ta e unico cos cu e atakenan baho y vil aki ta subraya.
Screening.
Bou di Mike Eman y Arthur Dowers mi a pasa screening di ‘Veiligheidsdienst’ di Aruba y Merca na 2014 pa atende FBI-academy y na 2016 un bes mas dooor di Veiliheidsdienst di Aruba pa asumi e funcion di director di KIA.
E caso civil aki ta forma parti di e screening kiermen cualkier informacion cu partido AVP of nan simpatisantenan kier di mi, nan sa cerca ken nan mester ta.
Hunto cu e articulo aki mi ta publica e resultado di mi screening haci bou liderazgo di Mike Eman. Y tambe mi ta publica mi nombramento door di Gabinete Mike Eman.
Pa conclui.
Manera mi a bisa na varios ocasion, e tipo di atakenan aki hamas lo silencia mi. Y aworaki mas motiva mi lo sigui haci mi trabou pa ta di balor agrega. Y trece actonan coruptivo pa dilanti y condena mal practicanan.
Realidad ta cu e ‘legacy’ di Mike Eman ta cu e a haya un KB pa ‘mal gobernacion’ y su liderazgo a conduci na actonan coruptivo den su gabinete manera señala den caso ‘Ibis’ y caso ‘Avestruz’.
