Parlamentario Endy Croes ta splica cu a bira tempo pa candidatonan di AVP bira mas honesto y tene honor na nan mes y entrega nan retiro. Tanto Richard Arends como Benny Avestruz Sevinger mester por compronde cu nan no ta digno pa ta representante di pueblo y mucho menos keda cobra un salario como Parlamentario.
Benny por ehempel actualmente ta ‘sospechoso’ den un caso gigantesco cual lo bay den historia di pais Aruba como un di e casonan di mas grandi di corupcion y fraude. Tur cos ta mustra cu Benny a coopera ‘willens en wetens’ dunando aprobacion na amigonan di partido manera Leoncita, casa di Gaby Werleman (coordinador di Benny), Susebeek, primo di Benny pa nombra algun di nan cu tabata haya terenonan comercial como optie di pais Aruba riba un NV y despues ta bende e sharenan di NV cu e optie pa miyones di florin.
Benny no ta respeta ni hues.
Asina por duna ehempel di un di e bentanan cual a bay na balor di 3.5 Miyon dollar specificamente riba e tereno di casa di Gaby Werleman. Pues haya un tereno como optie na balor di baca flaco como ciudadano pa desaroya un proyecto y ta bira bende cu stranhero pa miyones unda placa final ta wordo paga riba cuentanan na Panama y/of Miami. Sevinger na januari 2016 a haya no un ni dos pero 3 veredicto den su contra. Hues a pone un orde maatregel unda hues a dicidi di schors Sevinger su autoridad pa tuma cierto decision. Tabata trata di casonan di Saliña Cerca y un otro di un Boutique Hotel na Malmok. Hues a basa su decision riba e caso di e Hotel na Malmok, unda Gobierno y Benny Avestruz no a respeta decision di Hues y a bay over den marduga den fin di aña den luna di december pa firma pa e edificio por bira Hotel. Pues Sevinger a wordo castiga pa Hues den 3 veredicto, esta esun di e caso di Paul Gibbs unda Hues a vocifera cu Benny a zaag un pia di stoel di rechtsstaat, esun di Saliña Cerca y esun di e Boutique Hotel na Malmok.
Benny ta sospechoso mayor.
Croes ta haya cu mester recorda pueblo alrespecto con Benny Avestruz tabata actua manera cu e mes a grita den Parlamento a la ‘I don’t give a damn!’ Como cu Benny no tabata respeta decision di Huez y tabata bulldoze veredictonan manera e ta haya ta bon y tabata kere cu e ta ‘untouchable’ lo ta bon pa mira su actuacion awor cu Benny ta ‘sospechoso’ mayor den casonan di tereno esta e caso Avestruz. Awor e no ta Minister mas. Awor e no por bulldoze nada mas. Awor a toca turno pa Benny baha bek na e nivel di realidad. Awor Benny lo mester bay duna cuenta na Husticia di tur su bagamunderianan di corupcion. Awor nos lo bay wak si Benny lo respeta decision di Hues den strafzaak. Tempo ta e miho amigo di hende y pronto pueblo lo haya sa y lo keda babuca di e daño cuBenny Sevinger candidato number 2 riba lista di AVP, amigo y man drechi di Mike Eman a causa na nos pais Aruba. E bala a cuminsa lora!
