Un muhe di 21 aña di edad, buscado di asilo di Somali, a cende su mes na candela den un centro di detencion na Australia riba e isla pacifico di Nauru menos di un siman despues cu oficialnan di refugiado a bisa cu el a wordo forsa pa bay bek eynan. E muhe, kende e refugiadonan ta yama Hodan Yasin, ta den un condicion critico actualmente segun minister di imigracion Australiano Peter Dutton.
Docenas di hende incluyendo muchanan a yega di biba pa basta luna te hasta añas den un di e centronan di detencion aki. Esnan cu ta yega Australia buscando asilo nunca ta haya chens di start un bida apropiadamente den e pais. Nan ta wordo translada na un di e centronan remoto den islanan pacifico di Nauru y Papua New Guinea.
Fuente: CNN
