Directiva di STA y su delegadonan na NV ELMAR, conhuntamente cu gerencia di e compania, a reuni cu e fondo di pensioen diaranson ultimo, caminda un presentacion a wordo duna encuanto e futuro pa cu pensioen di e empleadonan di e compania di utilidad aki.
E reunion informativo aki ta un adelanto riba e reunion cu lo bay wordo teni cu tur e empleadonan di e compania cu ta resorta bou di e fondo di pensioen di SBA, cual ta programa pa tuma luga dia 17 di october proximo.
Segun directiva di STA y nan delegadonan na NV ELMAR, e reunion aki a resulta uno fructifero, caminda basta informacion valioso a wordo duna. Actuaris, kende ta un experto riba e materia di pensioen, a haci un presentacion ‘basta bon detaya’, segun directiva di STA.
