Lider democrata di Congreso a adverti Cas Blanco pa spera un subpoena pa exigi documento relaciona cu trato di president Trump cu Ucrania, acusando administracion di solicitud anterior y bisa cu e rechaso por considera un delito.
Democratanan ta acusa Trump di incita pa violencia contra e denunciante di siguridad nacional. Nan a conseha p’e y su administracion no intimida e posibel testigo den e investigacion di impeachment.
Democratanan ta bisa cu presion riba Presidente Ucraniano, Volodymyr Zelenskiy ta constitui abuso di poder. E Presidente di Comite di Inteligencia di Camara di Representante, Adam Schiff, ta acusa Trump di trece violencia contra e denunciante, bisando cu cualkier esfuerso pa interveni cu investigacion democrata lo ser considera evidencia di obstruccion y por inclui den articulo di impeachment.
Trump no a mustra señal cu lo sede cu investigacion, sinembargo el a bisa cu democratanan mester concentra riba construccion di e pais. El a cuminsa tira critica general y ataca Schiff y Pelosi.
Trump a bisa cu kier sa ken e denunciante ta, pa asina haci pregunta, aunke e identidad di e persona ta protegi pa ley di proteccion di denunciante. Democratanan a bisa cu nan lo pidi Cas Blanco pa documento relaciona cu Trump y Ucrania.
Presidente di Camara di Supervision y Reforma, Elijah Cummings, a skirbi na miembro di comite cu accion ta necesario pasobra Cas Blanco a ignora multiple solicitud. Cummings a referi na ‘advertencia severo y urgente’ cu Inspector General di Comunidad di Inteligencia a entrega na congreso, pa cual ‘no tin mas remedi cu emiti e citacion’.
E citacion lo dirigi pa hefe di gabinete interino, Mick Mulvaney. Lo solicita 13 lote separa di documento relaciona cu convocatorio di juli y otro asunto relaciona. Secretario di prensa di Cas Blanco, Stephanie Grisham, a bisa cu e subpoena ta ‘nada mas cu mas peticion di documento, tempo perdi, y dollar di pueblo cu finalmente ta demostra cu presidente no a haci nada malo’.
