E proposicion di adelanto di eleccionnan general na Peru, presenta pa e mandatario Martin Vizcarra na juli ultimo, ‘no ta un capitulo cera’ aunke a keda introduci e siman pasa den un comision di Parlamento, asina a sigura e Minister di Husticia, Vicente Zeballos.
Den un entrevista publico ayera, Zeballos a señala cu e ‘tema di adelanto di eleccionnan ainda ta den evaluacion’ y cu no a menciona esaki den e mensahe presidencial ultimo di diabierna pasa pa motibo cu ta existi un ‘urgencia’ relaciona cu e eleccionnan di e miembro di Tribunal Constitucional (TC) na Parlamento, cu awe lo tuma luga.
Asina a descarta cu e adelanto di eleccionnan general den un aña a ser nenga pa e Ehecutivo, despues cu diahuebs pasa e comision di Constitucion di Parlamento, domina pa fujimorismo y nan aliado, a manda pa archivo sin duna opcion di un pleno debate.
E titular di husticia a señala cu un situacion parecido a sosode ora e Legislativo a introduci prome un proyecto di reforma constitucional relaciona cu inmunidad parlamentario, pero cu despues a plantia un reconsideracion den interior di comision parlamentario di Constitucion.
Di otro banda, tambe a señala cu e cuestion di confiansa plantia diabierna pasa riba e modificacion di e modelo di eleccion di e miembro di TC, cu ta di tres cu a presenta pa e Gobierno di Vizcarra y cu ta un mecanismo cu por resulta e disolucion di e Parlamento, mester tin un efecto ‘inmediato’.
