Ta prome biaha cu autoridadnan ta busca pistanan den e luga aki, cu tabata scondi den mondi, cerca di un dam cu a keda bou proteccion di Ehercito Mexicano.
E dump di Tepecoacuilco ta ubica na oriya di caretera cu ta conecta e municipio aki cu e ciudad di Chilpancingo y Iguala y ta vigila pa casi 20 unidad militar. E dump, cu ta habri, tin un cura di waya cu ta bieu y di facil acceso.
E dump no tabata inclui den investigacionnan original cu gobierno di Enrique Peña Nieto a haci despues di e desaparicion di e 43 normalista na september di 2014, pero un investigacion di e Comision Interamericano di Derechonan Humano (CIDH) y e Grupo Interdisciplinario de Expertonan Independiente (GIEI), cu recientemente a ser crea pa e gobierno entrante, a señala cu e curpanan no por a ser kima den e luga ey.
Di acuerdo cu e version oficial di Administracion di Peña Nieto, e studiantenan a ser deteni pa polisnan corupto, kende a entrega nan na crimen organisa, y cu a mata nan y a kima nan curpa na dump di e municipio di Cocula.
Titular di Fiscalía General di República, Alejandro Gertz Manero, a compromete dia 18 di september pasa cu e mayornan di studiantenan di Ayotzinapa pa reconstrui e investigacion, ‘casi for di cero’, pa motibo di e inconsistencia di e actual version.
Den e marco di investigacionnan nobo y di otro aniversario di e tragedia, Amnistia Internacional a pidi pa e gobierno di Andrés Manuel López Obrador investiga e funcionarionan publico cu a ‘impedi’ e investigacion di e caso.
