Despues di un evaluacion di e pronostico di ayera mainta pa cu horcan Jerry for di National Hurricane Center (NHC) di Merca, y e departamento meteorologico di St. Maarten (MDS), ta spera yobida pisa pa cuminsa den weekend. Ta spera cu horcan Jerry lo pasa 140 miya for di costa.

Den un reunion di Centro di Operacion di Emergencia (EOC) ayera mainta, e centro, di cual prome minister Leona Romeo-Marlin ta presidente, a tuma decisionnan como medidanan di precacion pa siguridad publico.
Tur scol como tambe programa comunitario despues di scol mester cera pa 2pm.
Negoshi mester cera pa 2pm. Sinembargo, supermercado, restaurant y tienda di hardware por keda habri te cu 4pm. Ademas, ta haci excepcion pa operacion di aeropuerto, haf y hotel. Sinembargo, e maneho di e establecimentonan aki ta rekeri ma uza discrecion, considerando e riesgonan involucra.

Oficinanan di gobierno a cera pa 2pm. Unicamente servicionan di emergencia y otro departamento relaciona cu esaki a keda habri.

Pa 3pm a habri tres shelter pa esunnan kende nan cas no ta prepara pa tormenta. Esakinan ta St. Peters Community Center, Christian Fellowship Church na Cole Bay, y e Dutch Quarter Community Center.

A tuma e medidanan pa sigura cu publico ta sigur relaciona cu e pronostico di yobida fuerte asocia cu e paso di horcan Jerry, segun EOC.

Segun MDS, condicion di clima ta spera di mehora un tiki awe merdia.

Hende lo mester keda paden pa motibo di riesgo asocia cu posibel inundacion di caya den areanan cerca di nivel di lama, como tambe peliger di piedra cu ta cay y derumbe riba caya rond di sero, segun EOC.

Ademas, keda fuera di e red di caminda tambe lo facilita pa trahadonan di emergencia y e ministerio di Vivienda Publico, Maneho Teritorial, Medio Ambiente y Infrastructura, VROMI por responde pa cualkier emergencia si tin necesidad.

St. Maarten ta keda bou advertencia di tormenta tropical. Segun MDS, e potencial impacto pa St. Maarten ta acumulacion di awa di yobida di 2.5 pa 10cm. Mayoria di e yobida significativo lo a tuma luga ayera nochi y awe diasabra.

EOC ta recomenda pa keda pendiente di stacion di radio di gobierno pa informacion oficial, como tambe noticia prome, durante, y despues di e tormenta.