Recien gremionan y Minister President Evelyn Wever-Croes, Minister di Finansa Xiomara Ruiz-Maduro a reuni tocante Reforma Fiscal
Durante di e reunion aki a trata un cantidad grandi di temanan cu mester wordo reforma den sistema di impuesto, mirando cu e ultimo reforma ta data di aña 2007, cual ta 12 aña pasa.
Segun e comunicado cu Bon Dia Aruba a ricibi di gobierno a indica cu tanto Gobierno como gremionan, a trece proposicionnan.
Por ehempel Gobierno a papia di un aumento di accijns riba refresco, gremionan a pidi aumento di accijns riba sucu y ketchup tambe. A duna espacio pa tur hende trece nan puntonan padilanti y na final a keda palabra cu lo bolbe hunto pa sigui delibera.
Pues ningun decision a wordo tuma tocante sugar tax ni ningun otro impuesto.
Mester bisa cu e gremionan presente a keda satisfecho y agradecido pa e invitacion di por a participa pa prome biaha na un seccion asina importante.
Gobierno ta lamenta cu oponentenan kier crea panico y caos, simplemente pa miedo pa cosnan cana manera mester ta den nos pais. Pasobra nan nunca a organisa un encuentro asina, nan no kier pa e encuentro ta exitoso.
Sinembargo mester conclui cu e encuentro tabata sumamente exitoso cu debatenan profesional y na nivel. Pabien na Minister President y Minister di Finansa pa a demostra curashi y transparencia.
