Un cientifico cu a colecta DNA for di Loch Ness na Escocia a sugeri cu e monster famoso di e lago por ta un congla gigante.
Neil Gemmel, di Universidad di Otago na New Zealand, a bisa cu e proyecto a haya un cantidad sorprendentemente grandi di congla den e awa. El a adverti cu no ta cla si esey ta indica un congla enorme of djis hopi congla chikito.
Pero el a bisa na un conferencia di prensa na Escocia ayera cu e idea di un congla gigante sikiera ta probabel.
E proyecto di DNA no a haya evidencia pa sostene e nocion cu e monster ta un reptil antiguo di nek largo yama un plesiosaur.
Loch Ness ta e cuerpo di awa fresco di mas grandi y e di dos mas profundo den Islanan Britanico.
