Un sentido di futilidad a yena autoridadnan forense ora nan a investiga un morto mas causa pa prescripcion di opioide. Dokter forense na nivel nacional a urgi oficialnan pa adresa e crisis di adiccion enorme na opioide na Australia, y pa crea un sistema di tracking pa stop pashent di colecta varios receta for di varios dokter. Sinembargo, mientras miles ta muri, e suplicanan di e dokternan a keda sin ser scucha.
Australia no a duna atencion na locual ta pasa Merca y ta awo ta enfrenta e mesun problema cu persona adicto na opium y morto relaciona. Gobierno di e pais ta tarda pa duna atencion na añanan di advertencia pa expertonan di salud preocupa.
Decena di entrevista, dokter, investigado y Australianonan kende nan bida a daña pa motibo di opium, a describi un situacion extendi di costa pa costa. Cantidad di morto pa opium a bira dobel den mas di un decada.
Experto di salud ta preocupa si no tuma accion. Australia ta na caminda pa mas morto compara cu Merca, cual su epidemia a laga 400.000 persona morto. “Si Australia por a compronde con lihe e situacion por sali for di control. Nos no ta immuun p’e”, Jasmin Raggam a bisa, kende su ruman a fayece pa sobredosis di opioide OxyContin.
Dokter Bastian Seidel y su colega ta bisa cu ta enfrentando un ‘scenario di pesadiya’ y un ‘emergencia nacional’. E ta bisa cu ta tristo pa mira con profesional medico ta daña e bida di comunidad. Pero companianan farmaceutico y algun sector di salud ta keda pone presion pa receta e opioide.
“E pais sa cu adiccion ta cabando cu nos comunidad. Sinembargo niun hende ta haciendo nada. Desafortunadamente, na Australia, nos a sigui e mal ehempel di Merca y awo nos tin e mesun problema”, Seidel a bisa.
