Recien Aruba Birdlife Conservation a entama un caso contra pais Aruba y kier a demanda 1.250.000 florin for di placa di pueblo di cual Hues a rechasa nan demanda.
Cu e demanda di 1.250.000 di placa di pueblo, Aruba Birdlife Conservation (ABC) ta contradiciendo su propio meta pa pone bienestar di nos medio ambiente na prome luga.
Segun e comunicado cu Bon Dia Aruba a ricibi Gobierno di Aruba ta indica, aki ta trata di un caso cu ta regarda e tereno pariba di Azure, pa cual Aruba Birdlife Conservation (ABC) a acusa Gobierno di no ta proteha esaki debidamente. E acusacion aki ta uno no funda y por a mira claramente cu pais Aruba a haya rason den esaki conforme veredicto di Hues.
Hues a mustra cu Gobierno ta cumpliendo cu proteccion di medio ambiente y a tuma pasonan concreto pa proteha e area aki. Gobierno ta lamenta cu un NGO a trata di demanda 1.250.000 florin di placa di pueblo cu, manera Hues ta bisa ta scars, mientras cu claramente a wordo cu pais Aruba a tuma su responsabilidad pa atende cu e situacion en cuestion.
Gobierno ta reconoce e papel importante di nos NGO nan semper en cuando esaki ta wordo eherce den forma responsabel teniendo bienestar general na pecho.
