Realmente ta masha pret scucha Edy Croes di MEP duna declaracion den conferencia di prensa di su partido, un tipo cu tin un pasado hopi bruha, un tipo cu mester a presenta dilanti Hues pa cosnan cu el a haci, pa awor kier bin trata hende decente y recto, mescos cu ta trata di su persona.

Miembro di partido AVP, Melvin Tromp a sigui splica cu parlamentario Endy aki ta un politico cu hopi curashi, ta papia di cosnan cu e mes no ta realisa cu acusacionnan cu e ta manda den direccion di miembronan di partido AVP, ta cosnan cu e tin amplio experencia aden y hasta a wordo haya culpabel di un of otro acto iregular.

“Na prome luga ta bon pa menciona cu ora cu e tipo Endy aki kier mishi cu integridad di nos colega di partido Richard Arends, mal informando pueblo y ta permiti su mes hunto cu su coleganan di wordo manipula y mal uza pa su lider di partido, e tin cu corda cu su persona tambe lo por a keda director di fundacion Lotto pa Deporte, e tambe awor aki lo por ta sinta den Parlamento cu e ‘buitenbezwaar en ter beschikking’ mescos cu hopi cu tin e status ey.

Sinembargo ta un hecho concreto cu simplemente endy croes no por ta buiten Bezwaar pa motibo cu como director di fundacion Lotto pa Deporte, el a bay buiten den wet, buiten HET boekje y a wordo retira.

Tin rapportnan riba tur loke el a haci, pues ta di unda bo por saca e curashi di bin mishi cu integridad di otronan?
Endy a pasa den henter un proceso di investigacion, el a bay dilanti Hues, el a cana otro camindanan pa trata di scapa for di e bagamunderianan cu el haci den su maneho di fondonan di Lotto pa Deporte.

Awe e ta sinta den Parlamento sin cu e tin un buiten bezwaar ya cu ningun sistema penal no ta funciona asina, esta di duna hende buiten bezwaar di e fechorianan cu el a comete, pa e fungi como miembro di Parlamento di fraccion di MEP.

E locuranan di Endy no ta caba eynan, ya cu e ta papia di esun cu kier bira miyonario por join AVP y akinan realmente por pensa cu e tipo aki no tin nocion di e realidad ni di su partido, ni di su lider y ni di su famia y tampoco di famia di su lider Evelyn Wever Croes.
Ban ta franco, famia di Prome Minister a strica un suma alrededor di 23 miyon den ocho aña den gobernacion di MEP sin cu a paga un depchi bek.

Tur caminda tin famia di prome minister cu ta resulta di ta famia di Endy tambe, den tur departamento di gobierno y cu a pone awo cu gobierno di Reino kier pone un fin na e fiesta aki.

Pero Endy por papia di bira miyonario den gobierno, ya cu loke su persona como director di lotto pa deporta y su ruman homber a logra durante ocho aña di gobernacion di MEP, for di 2001 pa 2009, ta logronan increibel y caminda awor tur cos ta bayendo mesun rumbo cu gobierno cu su persona ta sostene.

Gevoel e tipo aki a perde y berguensa a perde nificacion pa su persona,” Melvin Tromp di partido AVP a mustra.