Durante bishita di trabou di Minister Plenipotenciario pa Aruba na Washington DC, Joselin Croes, a reuni cu representantenan di ATA.
Den un comunicado di prensa, Croes a expresa cu esaki tabata un reunion hopi ameno, na unda cu a hiba combersacionnan tocante crea posibilidadnan pa inclui Washington DC den e plan di mercadeo di ATA y pa bin cu eventonan cu lo por wordo teni na embahada, pa promove Aruba como destinacion na DC.
A discuti tambe e posibilidad di organisa un ‘Arubaday’ otro aña na Embahada, pa reconoce e ‘loyal repetitive Washingtonians’ cu tin hopi aña bishitando Aruba y esaki sigur tabatin oido di parti di ATA.
Tambe a papia di e exito di e Aruba Bike Party, cual a wordo organisa pa e team di OASCA y Peter Cheung, na unda ATA a sponsor e T-shirtnan. E tabata un exito rotundo cu Aruba a wordo expone. E intencion ta pa organisa mas eventonan manera esaki na Merca.
Turismo por lo general ta den man di un ekipo di experto na Aruba, New York y Europa y no ta rekeri mucho atencion di parti di e Minister Plenipotenciario, pero si e ta keda den contacto estrecho cu ATA pa cualkier eventualidad.
