Bon Dia Aruba a papia cu psikiatria Hendrikus Van Gaalen, kende a splica kico por siña tocante e reciente legalisacion di cannabis recreativo na Canada y con esaki por afecta Aruba den futuro cu legalisacion di cannabis.

Van Gaalen ta splica cu ta depende di tur na Aruba pa pensa debidamente y discuti con kier continua despues di reciente legalisacion di cannabis medicinal cu e presente y futuro. “Cada bes tin mas presion pa papia di legalisacion di cannabis recreativo”, Van Gaalen ta splica.

Na Canada, 40% di e poblacion ta consumi cannabis. Durante aña pasa, 10% di e poblacion total y 20% di hoben di 15 pa 24 aña a consumi cannabis. Prome cu legalisacion, tabatin un aumento di defensor di uzo recreativo di cannabis na Canada (e aumento por observa na Merca actualmente).

Den pasado, Canada semper tabata na alerta pa e uzo di cannabis recreativo/ilegal na mundo. For di 1960 te cu 2018, e gasto di poblacion pa e cantidad di cannabis a aumenta na un factor di 30 biaha mas.

For di 2017 te cu 2018, a mira un aumento di 62% na e gasto di cannabis legal. Door di ofrece cannabis legal, e number di persona cu ta uza cannabis ilegal a baha, pero e no a disparce den comparacion cu 2018 – 2019 e prome 3 luna (51-38%).

E aumento den cantidad di persona cu ta uza cannabis legal a aumenta di 23 pa 47% den comparacion. Tambe tin un grupo di cu ta uza, cu ta cumpra cannabis legal of ilegal. Nan ta obtene di otro cultivo, di nan mes.

Cannabis semper a involucra negoshi cu ganashi grandi (na Canada banda 5.526.000.000 di dollar di Canada na 2017. “E posibilidad cu nos ta influencia pa e direccion di un tolerancia mayor cu cannabis ta halto.”

Pa nivel criminal, cannabis semper ta un droga ilicito cu ta uza mas na Canada, loke ta resulta cu na cantidad halto di crimen. Legalisacion ta influi ‘nos opinion riba cannabis’ pa medio di comercio cada bes mas probabel.

Huma ta a keda exponi na luz di dia, un mercado nobo lo ta un opcion pa comercio. E posibilidad di ingreso fiscal sustancial den caso di legislacion controla pa gobierno, di cannabis recreativo, tambe por influi politica na su opinion tocante consumo di cannabis.

“Cannabis ta e droga mas inofensivo den termino di riesgo di morto pa uzo excesivo. Alcohol, cocaina, MDMA, pero tambe medicamento manera codeina tin potencial mas mortal. E posibilidad cu e ta bira adiccion tambe ta considera mas chikito cu nicotina, cocaina y alcohol.”

Sinembargo, e consumo di cannabis a provoca un aumento marca na bishita di yudansa di emergencia of ingreso den hospital na Canada pa ultimo añanan. Esey ta pasobra intoxicacion cu cannabis por provoca atake di panico severo, aritmia, presion arterial, nausea, sacamento, dolor di pecho. Halucinacion y delirio paranoide tambe por causa pa keda hospitalisa.

Aunke posibilidad di morto directo pa cannabis no ta grandi, e posibilidad di trastorno causa pa e consumo di cannabis ta considerabel. Trastorno no ta produci lihe cu e uzo ocasional si e persona ta mayor di edad, pero ta observa trastorno cerca dos grupo grandi.

Esey ta grupo di hoben menor di 24 aña di edad, mirando cu nan cerebro no ta completamente desaroya y ta consumi cannabis. E comienso tin un mayor riesgo di psicosis, aparicion di schizofrenia, no kier bay scol y mayor posibilidad di adiccion. Tambe den persona cu ta na estado den e grupo di edad aki.

E di dos grupo cu riesgo halto di trastorno ta e grupo cu ta uz’e diariamente. Cualkier persona cu haci esey (e por tin efecto agradabel) lo por tin problema di siña, cu memoria, concentracion, atencion y motivacion pa haci algo activo durante hopi tempo of durante di uzo.

Durante of despues di uzo, tambe tin trastorno cu e movecion. E riesgo halto di accident ta aumenta tambe. Tin otro trastorno cu ta mas comun den hoben y persona di mas edad cu ta adicto na cannabis.

E por tin un riesgo halto di bronkitis cronico, depresion, y ademas conduci na consumo di otro droga. Tambe por tin riesgo halto di cancer di pulmon pa huma cannabis. Cu e uzo frecuente ta importante cu bida ta dura menos di loke tin pa ofrece.

Efecto di no bay scol of trabou ta reduci y por bira pio si cuminsa no solamente cu consumo di cannabis, pero incluyendo adiccion pa e substancia of pio ainda, un combinacion di adiccion.

“Den cualkier caso ta importante pa trece informacion preventivo na final di scol basico y durante adolescencia. Hoben menor di 24 aña y esunnan mas grandi cu ta uz’e diariamente ta core riesgo halto pa tur tipo di efecto. Cu presion di otro, ta pensa cu cannabis ta recreacion inocente, manera un substancia natural. Cannabis recreativo ilegal a aumenta den cantidad peligroso den hoben durante hopi tempo”, Van Gaalen ta expresa.