Diabierna pasa di 3 or atardi habitantenan di un parti di Macuarima a keda sin coriente despues cu un truck di atco a ranca un palo di luz. Personal di roadservice y polis a presenta na e sitio debi cu wayanan di coriente tabata colga riba di caminda. A constata cu un waya cu tabata colga bou di 4.20 meter a keda ranca door di e truck cu haltura di bou di 4 meter. Varios cas a keda sin coriente y elmar a presenta di biaha pa pone palo di luz nobo cu a keda ranca.
