E Departamento di Ministerio Publico a ordena un di dos opcion forensico tocante e morto di un mucha muhe di 16 aña su a sosode na 2015, kende su famia a afirma cu el a comete suicidio.
Dascha Graafsma tabata cu amigonan na Hilversum y a disparce mas o menos 02.00 despues cu el a bisa cu e ta bay baño. Un trein a dal’e den un paso na nivel di un kilometer di e club casi tres ora despues y tabata tin un jas bisti.
Ningun hende no sa kico a pasa den e periodo intermedio. E investigacion nobo ta pa aclaria si e hoben tabata para of drumi ora cu e trein a dal’e, asina Departamento di Ministerio Publico a bisa, den un comunicado.
E famia ainda tin duda tocante di esaki, y esaki ta e motibo cu lo tira un bista atrobe, e comunicado a bisa. Sinembargo e caso no ta ser habri di nobo, e departamento a bisa.
Lo depende di un Fiscal Superior si e ta dicidi di habri e caso di nobo, segun e hallazgo nobo. E investigacion oficial na 2015 a conclui cu e hoben a suicida, pero su famia a discuti e hallazgo.
Aunke no ta descarta e suicidio, su famia a bisa cu no tabatin un investigacion exhaustivo tocante e circunstancia rond di su morto. Investigadonan priva, cu e famia a trece, a conclui na april cu e investigacion policial tabata inadecua y cu nan a comete erornan. E di dos opinion cu awe a ser ordena, ta e resultado di e investigacion ey, e departamento a bisa den un comunicado.
